टोकियो ओलम्पिक २०२०ः बाँकेकी सोनिया रुसकी इरिना डोल्गोभाबाट पराजित तर ओलम्पियनमा नाम दर्ज – Dastabej

टोकियो ओलम्पिक २०२०ः बाँकेकी सोनिया रुसकी इरिना डोल्गोभाबाट पराजित तर ओलम्पियनमा नाम दर्ज


  • दस्तावेज

  • एजेन्सी — टोकियो ओलम्पिक २०२० मा शनिबार बिहान भएको प्रतिस्पर्धामा नेपालका तर्फबाट बाँकेबाट प्रतिनिधित्व गरेकी जुडो खेलाडी सोनिया भट्ट पहिलो चरणमै पराजित भएकी छन् । उनी रुसकी इरिना डोल्गोभाबाट पराजित भएकी हुन । उनी पराजित भए पनि ओलम्पियनमा नाम दर्ज गराउन सफल भएकी छन् । निप्पोन बुदोकानमा शनिबार बिहानै भएको जुडोको प्रतिस्पर्धामा १९ वर्षीया सोनियाले पहिलो बाउट जित्ने लक्ष्य बनाएकी थिइन् । तर, उनको चुनौती रुसकी इरिना डोल्गोभाले १ मिनेट १६ सेकेन्डमै समाप्त पारिदिइन् । टोकियोबाट ईकान्तिपुरका लागि समाचार सम्पेण गरिरहका खेल पत्रकार राजु घिसिङका अनुसार ग्रान्डस्लाम र युरोपियन च्याम्पियनसिपलगायत अन्तर्राष्ट्रिय प्रतियोगितामा १७ पदक जितेकी इरिनाविरुद्ध सोनियाको केही सीप चलेन र नकआउट नै हुनुपऱ्यो ।
    त्यस्तै सुटिङकी कल्पना परियारको चुनौती प्रारम्भिक चरणमै समाप्त भएको छ । कल्पनाले महिला १० मिटर एयर राइफलमा ६१६।८ अंक जोड्दै आफ्नै नाममा रहेको राष्ट्रिय कीर्तिमान सुधार गरिन् । उनले ५० जना सुटरमध्ये ४६ औं स्थानमा रहेर ओलम्पिक यात्रा टुंग्याइन् । ३२ औं ग्रिष्मकालीन ओलम्पिकमा नेपालका ५ खेलाडी सहभागी छन् । पौडीमा गौरिका सिंहले जुलाई २७ र अलेक्जेन्डर गाडेगार्ड शाहले जुलाई २८ मा प्रतिस्पर्धा गर्दैछन् । एथलेटिक्सकी सरस्वती चौधरीले ३० जुलाईमा दौडनेछिन् । यी तीन खेलाडीले विश्वव्यापी सहभागिताको आधारमा ओलम्पिक खेल्ने अवसर पाएका हुन् ।

     

  • ९ श्रावण २०७८, शनिबार १०:४१ प्रकाशित

  • Nabintech
  • १. साग की स्वर्ण पदक विजेता बाँकेकी सञ्जु चौधरी मृत अवस्थामा फेला
  • २. नेपालगन्ज उपमहानगरका जनप्रतिनिधिहरुलाई सपथ ग्रहणमा ‘अपमान’
  • ३. जो गठबन्धनसंग एक्लै भिडे
  • ४. उम्मेद्बार पन्तलाइ थप उपचारको लागि काठमाडौ लगियो
  • ५. पालिका अध्यक्ष पदका उम्मेदवार त्रिपाठीको ब्रान्मा काठको धुलो मिसाइएको भिडियो सार्वजनिक
  • ६. बाँकेको जानकीमा श्रीमान-श्रीमतीको आलोपालो नेतृत्व
  • ७. नेपाली काङ्ग्रेस बढैयाताल गाउँपालिकाको अध्यक्षमा नेपालीको उम्मेदवारी दर्ता