कैलाली। खोप लगाउन कैलालीको मोहन्याल गाउँपालिका ३ बाट सुर्खेतको चौकुने गाउँपालिका ४ का स्थानीय सवार काठको डुंगा कर्णाली नदीमा पल्टिदा १० दिने बालकसहित ३ बेपत्ता भएका छन् । उनीहरु आईतबार दिउँसो १२ बजे उक्त घटना भएको हो । डुंगा पल्टिँदा २२ वर्षीया धनसरी सलामीको मृत्यु भएको हो । कर्णाली नदीमा बेपत्ता हुनेमा मोहन्याल गाउँपालिका ३ की २० वर्षीया पार्वती थापा, २० वर्षीया उर्मिला सलामी मगर र उनको १० दिनको छोरा रहेको प्रहरीले जनाएको छ । डुंगामा १० जना सवार थिए । डुंगा पल्टिदा मोहन्याल ३ की धनसरा सलामी मगर र उनकै १ महिनाको छोरा कर्ण घाइते भएका छन् । अन्य पाँच जना सकुशल उद्दार गरिएको े प्रहरीले जनाएको छ । प्रहरीका अनुसार १९ वर्षीया धनसराको अवस्था गम्भीर छ । घटनास्थलमा कैलालीको सुगरखाल र सुर्खेतको बाबियाचौरबाट प्रहरी टोली खोज तथा उद्धार कार्यमा खटिएको छ ।
