‘कु’ मार्फत सत्ता हत्याएका म्यानमारका सेना प्रमुखले आफैलाई प्रधानमन्त्री घोषित गरे – Dastabej

‘कु’ मार्फत सत्ता हत्याएका म्यानमारका सेना प्रमुखले आफैलाई प्रधानमन्त्री घोषित गरे

२ वर्ष संकटकाल थप्ने तयारी


  • दस्तावेज

  •  

    काठमाडौँ — ‘कु’ मार्फत देशको सत्ता हत्याएका म्यानमारका सेना प्रमुख मिन आङ ह्लाइङले आफूलाई प्रधानमन्त्री घोषित गरेका छन् । यसै वर्षको फेब्रुअरीमा राष्ट्रपति विन मिन्ट, नेसनल लिग फर डेमोक्रेसी(एनएलडी) की नेतृ आङ सान सुकीलगायतलाई गिरफ्तार गर्दै सत्ता हातमा लिँदै म्यानमार सेनाले एक वर्षका लागि संकटकाल घोषणा गरेको थियो । सेना प्रमुख ह्लाइङले म्यानमारमा २ वर्ष संकटकाल थप्ने संकेत पनि गरेका छन् । सन् २०२३ को अगस्टसम्म संकटकाल थप्ने म्यानमार सेनाको योजना रहेको बुझिएको छ ।

    आइतबार सरकारी टेलिभिजनमार्फत करिब एक घण्टा सम्बोधन गरेका सेना प्रमुख ह्लाइङलले ‘स्वतन्त्र तथा निष्पक्ष बहुदलीय चुनाव’ गराउने ‘वाचा’ पनि गरेका छन् । उनले जनताबाट चुनिएर आएका एनएलडीका नेताहरूलाई ‘आतंकवादी’ को संज्ञा दिएका छन् । साथै एनएलडी समर्थकलाई उनले ‘उग्रवादी’ बताएका छन् । गत फेब्रुअरी १ गिरफ्तार गरिएकी नेतृ सुकीमाथि सेनाले विभिन्न मुद्दा चलाएको छ ।

    फाइल तस्बिर : रोयटर्स

    सेनाको कुविरुद्ध भएको प्रदर्शनमा सयौं प्रदर्शनकारीको मृत्यु पनि भएको थियो । विश्वभरबाट म्यानमारमा प्रजातन्त्र बहालीका लागि आग्रह गरिए पनि सेनाले मानेको छैन । पछिल्लो समय म्यानमा कोरोना संक्रमण पनि बढिरहेको छ । सेना प्रमुख ह्लाइङले विरोधीहरूले ‘जानीजानी कोरोना फैलाएको’ आरोपसमेत लगाउन भ्याए ।उनी ‘कु’पछि गठन गरिएको संयन्त्र राज्य प्रशासन परिषद्(एसएसी) का अध्यक्षसमेत हुन् । अब कामचलाउ सरकार गठन भएपछि त्यो संयन्त्र नरहने बताइएको छ । राज्य प्रशासनलाई चुस्त बनाउन कामचलाउ सरकार गठन गरिएको सेनाले दाबी गरेको छ । सेना प्रमुख ह्लाइङले दक्षिणपूर्वी एसियाली राष्ट्रहरूको संगठन ‘आसियान’ ले तोकेका कुनै विशेष दूतसँग काम गर्न तयार रहेको बताएका छन् । इकान्तिपुर

  • १८ श्रावण २०७८, सोमबार १२:३५ प्रकाशित

  • Nabintech
  • १. गैडाकोट दुर्घटनाः बर्दिया बाँसगढीका एक दम्पत्तीका श्रीमतिको मृत्यु, श्रीमान गम्भीर, यस्तो छ घाईतेको नाम र स्वास्थ्य अवस्था
  • २. बाँकेमा मजदुरदेखि बिज्ञसम्मको पारिश्रमिक निर्धारण, गोबर माटो र भुसदेखि सुनसम्मको मुल्य तोकियो
  • ३. कर्मचारीकै मिलोमतोमा नेपालगन्ज भन्सारमा राजस्व छलीः ७ हजार पर्ने समानको मुल्य १००, कारवाहीबाट जोगिन अर्थ मन्त्रालयसम्म दौडधुप
  • ४. नेपालगन्जस्थित ज्योति लाइफ इन्सुरेन्सका एरिया सेल्स म्यानेजर माझीले गरे ‘बलात्कार’को प्रयास, मुद्दा चल्यो अभद्र व्यवहार
  • ५. ”मृत शिशु साटिएको” भन्दै भेरी अस्पतालमा रातभरी विवाद, आज छलफल हुँदै
  • ६. बर्खामा किरननालाको किन भत्काइयो पुल ? गाडी चल्न बन्द, स्थानीयलाई सास्ती
  • ७. सावधान, बाँकेको पुर्बी गाभरमा मंगलबार पनि देखियो बाघ