शिल्पाको समर्थनमा ऋचा लेख्छिन्–‘पुरुषको गल्तीको दोष महिलालाई किन ?’

शिल्पामाथि मिडिया र सामाजिक संजालमा अनावश्यक टिप्पणी हुन थालेपछि उनको समर्थनमा बलिउडकर्मीहरु पनि अगाडि आएका छन् । नायिका ऋचा चड्डाले शिल्पाको समर्थन गर्दै लेखेकी छिन्–‘जब कुनै पुरुषले गल्ती गर्छन्, हामी उक्त पुरुषलाई दोषी देख्नुको साटो उसँग जोडिएकी महिलालाई जिम्मेवार ठान्छौं । शिल्पाले यस्ता मानिसहरुको विरुद्धमा मुद्दा दायर गरेको खबर सुनेर निकै खुशी लागेको छ ।’ऋचा भन्दा पहिला हंसल मेहत्ताले पनि यो बिषयमा प्रश्न उठाएका थिए । उनले, शिल्पाको विवादमा बलिउडका कलाकारले मौनता साधेको बिषयमा प्रश्न उठाएका हुन् । उनले, खुशीको मौकामा एकसाथ मिलेर पार्टी गर्ने तर दुःख पर्दा कोही पनि नबोल्ने बलिउडको परम्परा भएको भन्दै आलोचना गरेका छन् ।