नेपालगन्ज । संघीय सरकारले गुलरीया हुलाकी राजमार्ग अन्र्तगत नेपालगन्जको धम्बोझी चोकदेखि बर्दियाको बढैयाताल गाउँपालिकाको मैनापोखरसम्म फोरलेन सडक बनाउने निर्णय गरेको छ । त्यसका लागि सडक विभागले पहिलो चरणमा १३ करोड बजेट छुट्याई सकेको छ । धम्बोझीदेखि मैनापोखरसम्मको २० किलो मिटरसम्मको फोरलेन सडकका लागि डिटेल प्राजेक्ट रिर्पोट) (डिपीआर) तयार भइसकेको छ । फोरलेन सडक निमार्ण योजना भने बहुबर्षीया हो । सडक डिभिजन कार्यालयका डिभिजन प्रमुख हुमबहादुर एसीले उक्त आयोजना विभागको रहेको भन्दै डिपीआर तयार भइसकेको पुष्टि गरे ।
उनले नेपालगन्जबाट मैनापोखरसम्मको सडकमा आवश्यक पर्ने स्थानहरुमा फोरलेन बनाउने योजना रहेको सुनाए । हाल बाँकेको खजुरा, बर्दियाको बाँसगढी बजारमा फोरलेनको सडक निमार्णकै क्रममा छ । उनका अनुसार नेपाल सरकारको बजेटबाटै बहुवर्षिय योजना अनुसार क्रमगत फोरलेन सडक निमार्ण हुने छ । खजुरा गाउँपलिकाका प्रमुख किस्मतकुमार कक्षपतिले फोरलेनको डिपीआर निमार्णपछि काम छिटै अगाडि बढाउनु पर्ने सुझाव दिए । उनले फोरलेन सडकले बाँके र बर्दियाको विकासमास ठूलो सहयोग पुग्ने विश्वास जनाए ।
