काठमाडौँ— एमालेबाट छुट्टीएका माधवकुमार नेपालले दर्ता गरेको नयाँ पार्टीको नाम नेकपा (एकिकृत समाजवादी) प्रस्ताव गरिएको छ । त्यस्तै ४ महन्थ ठाकुर पक्षले दर्ता गर्न थालेको पार्टीको नाम परिर्वतन गरेर लोकतान्त्रिक समाजवादी पार्टी राखिएको छ । प्रधानमन्त्री शेरबहादुर देउवाले अध्यादेश ल्याएर राजनीतिक दल सम्बन्धी ऐनमा २० प्रतिशत केन्द्रीय पदाधिकारीले नयाँ दल गठन गर्न सक्ने भन्दै बाटो खोलेपछि नेपाल र ठाकुरलाई नयाँ दल दर्ता गर्न सहयोग पुगेको हो । तर निर्वाचन आयोगका अधिकारीहरुले सर्वोच्च अदालतको २३ फागुनको फैसलाअनुसार एउटा पार्टीको नाममा विशेषण झुण्ड्याएर अर्को दल दर्ता गर्न नमिल्ने जनाएको छ । ठाकुर पक्षले कार्यकारिणी समितिमा ७ जना महिला थपेर ३१ सदस्यीय बनाएको छ ।
