भारतीय पर्यटक किन घुम्न आउँदैनन बाँके निकुन्ज ? – Dastabej

भारतीय पर्यटक किन घुम्न आउँदैनन बाँके निकुन्ज ?


  • शम्भुप्रसाद थारु

  • नेपालगन्ज । मुलुककै कान्छो बाँके राष्ट्रिय निकुन्ज पर्यापर्यटनका लागि निकै सम्भावना रहेको तर पर्यटक भित्रियाउन नसकेको निस्कर्ष निकालिएको छ । शनिबार नेपालगन्जमा बाँके राष्ट्रिय निकुञ्ज र पर्यापर्यटन बिषयक कार्यशाला गोष्ठीमा उक्त निस्कर्ष निकालिएको हो । बाँके राष्ट्रिय निकुन्जका प्रमुख संरक्षण अधिकृत श्यामकुमार शाहले निकुन्जमा पर्यापर्यटनको सम्भावना र चुनौतीका बिषयमा सरोकारवालाहरुलाई जानकारी गराए । नेपालगन्ज उपमहानगरपालिकाका प्रमुख डा. धवलशम्सेर राणाले पर्यटन प्रर्बद्धनको सबै भन्दा ठुलो बाधक हामी आफै  भएको टिप्पणी गरे । उनले बाँके पर्यापर्यटनका लागि प्रयाप्त सम्भावना भए पनि सोंच परिवर्तन गर्ननसक्दा प्रबद्र्धन हुन नसकेको जनाए । दक्षिण भारत र उत्तर चिनलाई इङिगत गर्दै उनले भारतबाट आउने पर्यटकहरुलाई प्रोत्साहन गर्न नसक्दा समस्या भएको बताए । नेपालगन्ज नाकामा गरिने व्यवहारले भारतीय पर्यटक बाँके निकुन्ज घुम्न नआएको डा.राणाको भनाई छ ।

    तस्बिरः समीर श्रेष्ठ 

    कार्यपत्र प्रस्तुत गर्दै नेपाल पर्यटन बोर्डका कार्यकारी प्रमुख डा. धनन्जय रेग्मीले भारतको पर्यटकलाई भित्रियाउनका लागि रातीका समयमा पनि नेपालभारत सीमा खोल्नु पर्ने सुझाए । उनले पर्यटकहरुलाई सीमाबाट नेपाल प्रहरीले सहजरुपमा गन्तव्यसम्म पुयार्उनुका साथै होटलमा पर्यटक रमाउने बताबरण सिर्जना बताए ।
    त्यस्तै नाताका अध्यक्ष अच्युत गुरागाईले पर्यटकहरुलाई पर्यटकीय स्थलसम्म जानका लागि एयरकण्डिसन गाडी, होटलमा दक्ष कर्मचारी तथा अन्र्तराष्ट्रिय स्तरको सेवा सुबिधा दिन सकेमा मात्रै पर्यापर्यटनमा बृद्धि हुने बताए । बाँके राष्ट्रिय निकुञ्जमा पर्यटक घुम्नका लागि पुर्वाधारहरु तयार भैसकेकाले त्यहाँ पर्यटन भित्रियाउनका लागि सम्पुर्ण सरोकारवाला निकायले भुमिका निर्वाह गर्नु पर्ने उनको सुझाव छ । कार्यक्रममा कोहलपुर नगरपालिका मेयर लुटबहादुर रावत, होटल व्यवसायि संघ लुम्बिनीका अध्यक्ष भास्कर काफले , गाभर होमस्टेका अध्यक्ष कृष्ण चौधरी लगायतल पर्यापर्यटनको सम्भावना बारे आफ्नो धारणा राखेका थिए ।

  • १२ भाद्र २०७८, शनिबार १७:४६ प्रकाशित

  • Nabintech
  • १. बलात्कार आरोपमा कोहलपुर १० का निवर्तमान वडाध्यक्ष पक्राउ, ५ दिन थुनामा राख्न म्याद थप
  • २. नेपालगन्ज कारागारबाट कुन मुद्दाका को को कैदी रिहा भए (सूची)
  • ३. राप्ति नदिमा मलामी गएका दुई जना डुबेर बेपत्ता
  • ४. नेपालगन्जको सभ्य पाइला सुधारकेन्द्रमा एक जनाको मृत्यु
  • ५. सुधार केन्द्रमा मृत्यु भएका हिकम्त थापाको शरीरभरी निलडाम
  • ६. रोल्पा कारागारमा मृत्यु भएका नेपालगन्जका हरिजनका नाममा छुटेका शाह भारतीय जेलमा
  • ७. राप्ती नदिमा दुई जनाको शव फेला