काठमाडौं । बर्दिया ठाकुरबाबा नगरपालिका-५ गोबिन्दपुर बस्ने ३१ वर्षीय मान बहादुर थारुको सोमबार दिउँसो डुबेर मृत्यु भएको छ । सोही नगरपालिका-४ स्थित कुलोमा माछा मार्न गएको अवस्थामा कुलोमा डुबेर उनको मृत्यु भएको हो । कपिलवस्तु, शिवराज नगरपालिका-११ बिजयनगरस्थित मामाघर बस्ने शिवराज नगरपालिका-११ थुनिया घर भएका कमलेस धोबीकी छोरी ३ वर्षीया बिनिता धोबीको डुबेर सोमबार साँझ मृत्यु भएको छ । बाटोमा खेल्ने क्रममा कुलोमा खसेर डुब्दा उनको मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको छ ।
