अब नेपालगन्जमा पनि डान्स बार र मसाज पार्लर – Dastabej

अब नेपालगन्जमा पनि डान्स बार र मसाज पार्लर


  • दस्तावेज


  • बाँके । नेपालगन्ज उपमहानगरपालिकाले नेपालगन्ज क्षेत्रमा डान्स बार, मसाज पार्लर लगायतका मनोरन्जन क्षेत्र सन्चालन गर्ने बाटो खोलेको छ । त्यसका लागि नगरपालिकाले मनोरन्जन तथा सत्कार सेवा क्षेत्र व्यवस्थापन तथा अनुदानका लागि निर्देशिका निर्माण गर्न सुरु गरेको छ । उक्त निर्देशिकाले नेपालगन्जमा डान्स बार, मसाज, क्याबिन रेन्टुरेन्ट लगायतका मनोरन्जनका क्षेत्रहरुको व्यवस्थापनमा जोेड दिने छ । त्यस्तै, मनोरन्ज क्षेत्रले पालना गर्नुपर्ने आचारसंहिताहरु निर्देशिकामा समेटिने छन् । नेपालगन्जमा डान्स बार र मसाज सेन्टर हालसम्म छैन । नेपालगन्जलाई आर्थिक हबका रुपमा विकास गर्न मनोरन्जन क्षेत्रले उलेख्य सहयोग पुग्ने विश्वास गरिएको छ । मनोरन्जन क्षेत्रमा डान्स बार, मसाजसंगै रेष्टुरेन्ट, दोहोरी साँझ, क्याविन रेष्टुरेन्ट, खाजा घर र होटललगायतका क्षेत्रलाई समेटिएको छ । त्यस्तै मनोरन्जन क्षेत्रमा काम गर्ने कर्मचारीहरुको व्यवस्थापन, उनीहरुले पाउने पारिश्रमिकलगायतका विषय निर्देशिकामा उल्लेख गरिने छन् । जिल्ला प्रशासन, अधिकारको क्षेत्रमा कार्यरत संघसंस्था, होटल व्यवसायी संघ, नेपालगन्ज उद्योग वाणिज्य संघका प्रतिनिधी सहितको छलफलमा मस्यौदालाई छिटो भन्दा छिटो अन्तिम रुप दिएर जारी गर्नुपर्नेमा जोड दिइएको छ ।

    त्यस्तै, नेपालगन्ज उपमहानगरपालिकाले मानव वेचविखन तथा ओसारपसार नियन्त्रण स्थानीय समितिको आयोजनामा बिहिवार मनोरन्जन क्षेत्रमा काम गर्ने कर्मचारीहरुको सेवासुविधा, उनीहरुमाथि हुनसक्ने श्रमशोषण र कर्मचारी व्यवस्थापन लगायतका बिषयलाई लक्षित गरी निर्देशिकाको प्रारम्भिक मस्यौदामाथी छलफल गरेको छ । उक्त छलफलमा मनोरन्जन क्षेत्रमा काम गर्ने कर्मचारीहरुको अधिकार, मनोरन्जन क्षेत्रले पालना गर्नुपर्ने न्युनतम शर्तका बारेमा चर्चा गरिएको छ । मनोरन्जन क्षेत्रमा कार्यरत कर्मचारीहरुको अधिकार, सेवासुविधा, आचारसंहित लगायतका बारेमा नेपालगन्ज उपमहानगरपालिकाका उपसचिव शोभा शाह, माईती नेपाल नेपालगन्जका कार्यक्रम संयोजक केशव कोईराला, अधिकारकर्मी कमला पन्त लगायतले सहजिकरण गरेका थिए । बाँकेका सहायक प्रमुख जिल्ला अधिकारी दीर्घराज उपाध्यायले मनोरन्जन क्षेत्रमा व्यवस्थित बनाउन जरुरी भएको बताए । माईती नेपाल नेपालगन्जका संयोजक केशव कोइरालाले मनोरन्जन क्षेत्रमा साना होटेल, रेष्टुरेन्ट लगायत पर्ने भएकाले त्यहाँ कार्यरत जनशक्तिको व्यवस्थापन र उनीहरुको अधिकारलाई निर्देशिकामा समेट्न सुझाव दिएको बताए ।

  • १७ भाद्र २०७८, बिहीबार १७:५० प्रकाशित

  • Nabintech
  • १. बलात्कार आरोपमा कोहलपुर १० का निवर्तमान वडाध्यक्ष पक्राउ, ५ दिन थुनामा राख्न म्याद थप
  • २. नेपालगन्ज कारागारबाट कुन मुद्दाका को को कैदी रिहा भए (सूची)
  • ३. राप्ति नदिमा मलामी गएका दुई जना डुबेर बेपत्ता
  • ४. नेपालगन्जको सभ्य पाइला सुधारकेन्द्रमा एक जनाको मृत्यु
  • ५. सुधार केन्द्रमा मृत्यु भएका हिकम्त थापाको शरीरभरी निलडाम
  • ६. रोल्पा कारागारमा मृत्यु भएका नेपालगन्जका हरिजनका नाममा छुटेका शाह भारतीय जेलमा
  • ७. राप्ती नदिमा दुई जनाको शव फेला