नक्कली शैक्षिक प्रमाणपत्र सहित ६ जना पक्राउ – Dastabej

नक्कली शैक्षिक प्रमाणपत्र सहित ६ जना पक्राउ


  • दस्तावेज

  •  

    काठमाडौं ।यूएस डाइभर्सिटी भिसा (ईडिभी) २०२० को भिसा प्रकृयाका लागि नक्कली शैक्षिक प्रमणपत्र पेश गरेको अभियोगमा  काठमाडौं महानगरपालिका-३ महाराजगंजस्थित अमेरिकन राजदूतावास र काठमाडौंका विभिन्न स्थानबाट ६ जनालाई शुक्रबार प्रहरीले पक्राउ गरेको छ । पक्राउ पर्नेहरुमा काठमाडौं महानगरपालिका-१४ कुलेश्वर बस्ने पाल्पा तानसेन नगरपालिका-३ घर भएका ३५ वर्षीय सुमित रत्न गुभाजु, ललितपुर महानगरपालिका-१४ सातदोबाटो बस्ने मोरङ पथरी शनिश्चरे नगरपालिका-६ घर भएका ३५ वर्षीय अमर बहादुर कटुवाल, कास्की पोखरा महानगरपालिका-५ मालेपाटन बस्ने नवलपरासी गैंडाकोट नगरपालिका-३ बल्डिया घर भएका ३० वर्षीय नरेश केसी, काठमाडौं महानगरपालिका-२९ रानीबारी बस्ने नवलपरासी देवचुली-१७ घर भएका ३३ वर्षीय लक्ष्मण पाठक, काभ्रे बनेपा नगरपालिका-१० जनगाल घर भएका ३३ वर्षीय दिप विष्ट र काठमाडौं महानगरपालिका-१२ टेकु बस्ने २३ वर्षीय सोहिली शाही रहेका छन् ।

    नेपालस्थित अमेरिकन दुतावासमा इडिभी २०२० को नतिजामा नाम निकालेका तर भिसा प्रकृयाका लागि आवश्यक शैक्षिक योग्यता प्राप्त नगरेका केही व्यक्तिहरुले भिसा प्रयोजनको लागि १०+२ को नक्कली ट्रान्सक्रिप्ट बानाई पेश गरेको भन्ने सूचनाको आधारमा अमेरिकन दुतावाससँगको समन्वयमा महानगरीय अपराध महाशाखाबाट खटिएको प्रहरीले उनीहरुलाई बिभिन्न शैक्षिक प्रमाणपत्र नक्कली ट्रान्सक्रिप्ट सहित पक्राउ गरेको हो । साथै शैक्षिक प्रमाणपत्र बनाउने कार्यमा संलग्न अन्य व्यक्तिहरुको खोजी गर्नुका साथै पक्राउ परेका व्यक्ति उपर मुलुकी अपराध संहिता, २०७४ को परिच्छेद २५ को लिखत सम्बन्धि कसूरमा आवश्यक कारवाहीको लागि उनीहरुलाई महानगरीय प्रहरी परिसर टेकु काठमाडौं पठाइएको महानगरीय अपराध महाशाखाले जनाएको छ ।

  • २२ भाद्र २०७८, मंगलवार १२:२९ प्रकाशित

  • Nabintech
  • १. राप्ति नदिमा मलामी गएका दुई जना डुबेर बेपत्ता
  • २. नेपालगन्जको सभ्य पाइला सुधारकेन्द्रमा एक जनाको मृत्यु
  • ३. सुधार केन्द्रमा मृत्यु भएका हिकम्त थापाको शरीरभरी निलडाम
  • ४. रोल्पा कारागारमा मृत्यु भएका नेपालगन्जका हरिजनका नाममा छुटेका शाह भारतीय जेलमा
  • ५. राप्ती नदिमा दुई जनाको शव फेला
  • ६. प्रधानमन्त्री पत्नी डा. आरजु राणा बर्दिया १ बाट निर्वाचनमा लड्ने तयारी
  • ७. प्लान इन्टरनेशनल नेपाल कर्मचारीहरुलाई मुद्दा लगाउन मै व्यस्त