चार दिनदेखि बाघले गरेन राँगाको शिकार, नियन्त्रणको प्रयास भयो बेकार – Dastabej

चार दिनदेखि बाघले गरेन राँगाको शिकार, नियन्त्रणको प्रयास भयो बेकार


  • दस्तावेज

  •  

    बाँके । बाँकेको राप्तीसोनारी गाउँपालिका क्षेत्रमा मान्छे खाने बाघलाई नियन्त्रणमा लिन त्यस क्षेत्रको सामुदायिक वनमा चार दिनदेखि रांगा बाँधिएको छ । बाघलाई बेहोस बनाएर नियन्त्रणमा लिन शिकारका रुपमा राँगा बाधिएको हो । तर बाघको अत्तोपत्तो लागेको छैन । डिभिजन वन कार्यालय बाँकेका सहायक वन अधिकृत गणेश खडकाका अनुसार त्यस क्षेत्रमा बाघ हिडेको पन्जा पनि देखिन छाडेको बताए । बाघको पहिचानका लागि कयामेरा जडान गरिएको छ । तर हुस्सु र कुहिरोका कारण क्यामेराले राम्रोसंग काम गरेको छैन ।
    रांगाको शिकार नगरेपछि बाघको खोजिका लागि शुक्रबार हात्तीसहित नेपाली सेना परिचालन गरिएको छ । प्राविधिक टोलीले सामुदायिक वनमा बाघ खोज्ने जनाइएको छ । बाघको आक्रमणबाट शनिबार राप्तीसोनारी–६ फत्तेपुरकी २९ वर्षीया चाँदनी थारू र बिहीबार राप्ती सोनारी–४ पर्सोनाकी ५३ वर्षीया लीला विष्टको मृत्यु भएको थियो ।

    बाघको आक्रमणबाट बाँकेमा तीन महिनाभित्र चार जनाको ज्यान गइसकेको छ । यसअघि राप्ती सोनारी–१ गाभर र नरैनापुरमा एक–एक जनाको मृत्यु भएको थियो । बाघले विगत एक हप्तादेखि राप्तीसोनारीको बैजापुर, बिनौना र फत्तेपुरको जङ्गलभित्र मान्छे र पशु चौपायामाथि निरन्तर आक्रमण गर्दै आएको छ ।

     

  • ३० पुष २०७८, शुक्रबार १०:१६ प्रकाशित

  • Nabintech
  • १. कोहलपुर प्रहरी हिरासतमा रहेकी महिलामाथि ‘असईले गरे बलात्कार’
  • २. बाँकेबाट यातायात मन्त्री भएका राई चढ्ने गाडी ट्राफिक कारबाहीमा
  • ३. कहाँ पुग्यो रुपैडिहा—नेपालगन्ज—कोहलपुरसम्मको रेल ?
  • ४. ढुक्कले मदिरा पीउन भारतीय नागरिक वारी
  • ५. बलात्कारका आरोपित खाँ बाँसगढी प्रहरी हिरासतबाटै फरार
  • ६. मीस युनिभर्स नेपालको क्वाटर फाईनलमा बर्दियाकी मोनिका
  • ७. राजापुर नगरपालिकाका निबर्तमान मेयर एमालेमा प्रबेश