उत्कृष्ट महिला उद्यमी प्रेमकुमारी – Dastabej

उत्कृष्ट महिला उद्यमी प्रेमकुमारी


  • दस्तावेज

  • गलकोट नगरपालिकाको सर्वोत्कृष्ट महिला उद्यमीमा गलकोट–९ छिस निवासी प्रेमकुमारी पुन सर्वोकृष्ट महिला उद्यमी घोषणा हुनुभएको छ ।

    नगर उपप्रमुख दायित्व ग्रामीण महिला उद्यम विकास कार्यक्रमअन्तर्गत टीका व्यावसायिक माहुरीपालन फार्मका सञ्चालक प्रेमकुमारी नगरपालिकाका महिला उद्यमीमध्ये सर्वोत्कृष्ट महिला उद्यमी २०७८ बन्न सफल हुनुभएको छ ।

    नगरपालिकाको आर्थिक सहयोग तथा दायित्व संस्थाको सहकार्यमा दुई वर्षदेखि नगरपालिकामा सञ्चालित नगर उपप्रमुख दायित्व ग्रामीण महिला उद्यम विकास कार्यक्रममा ८५ महिला उद्यमीलाई पछि पार्दै पुन सर्वोत्कृष्ट महिला उद्यमी घोषणा हुनुभएको छ ।

    नगरपालिकाले आह्वान गरेको कार्यक्रममा सहभागी ८५ महिला उद्यमीमध्ये चार चरणको प्रतिस्पर्धामा महिलाको उद्यम योजना तथा लगानी प्रस्तुतीकरणका आधारमा पहिलो चरणमा ४० महिला उद्यमी, दोस्रो चरणमा २० महिला उद्यमी, तेस्रो चरणमा १० उत्कृष्ट उद्यमी हुँदै सर्वोकृष्ट महिला उद्यमी छनोट गरिएको छ ।

    लामो समयदेखि मौरीपालन गर्दै आउनुभएका पुनको व्यावसायिक सफलता, उद्यम योजना, लगानी प्रस्तुतीकरण तथा सङ्घर्षका कारण सर्वोकृष्ट हुन सफल हुनुभएको छ । गलकोट नगरपालिकाको सर्वोकृष्ट महिला उद्यमीमा छनोट भएपछि पुनले आफू जीवनमा पहिलोपटक यति धेरै खुसी भएको भन्दै उहाँले आफ्नो व्यवसायलाई थप सफलतामा पु¥याउन हौसला मिलेको बताउनुभयो ।

    यसअघि छनोटमा परेका १० उत्कृष्ट उद्यमीमध्येबाट प्रतिस्पर्धाका आधारमा उद्यम योजना तथा लगानी प्रस्तुतका आधारमा पुन सर्वोकृष्ट महिला उद्यमका एपमा छनोट हुनुभएको नगर उपप्रमुख रेणुका काउचाले जानकारी दिनुभयो ।

    “गलकोट नगरपालिका, दायित्व र रिप परियोजनाअन्तर्गतको कार्यक्रमले महिलालाई उद्यम मात्रै नसिकाएर व्यक्तित्व विकास, बजारीकरण, भावी योजना र उद्यमको भविष्यका विषयमा समेत यो दुई वर्षमा धेरै सिकायो”, काउचाले भन्नुभयो, “उहाँहरूको घरमै पुगेर उद्यमको अवलोकनसमेत गरियो, कार्यक्रमले उहाँको उद्यममा निकै सुधार आएको छ ।” विषयमा उत्कृष्ट १० महिला उद्यमीबाट सर्वोत्कृष्ट महिला उद्यमी बन्दै पुनले रु एक लाख प्राप्त गर्नुभएको छ । यस्तै उत्कृष्ट १० महिलाले रु ५० हजारका दरले पुरस्कार प्राप्त गर्नुको छ ।

    बुधबार भएको प्रतिस्पर्धामा गलकोट नगरपालिकाभित्रका उत्कृष्ट १० महिला उद्यमीले आफ्नो समग्र उद्यम यात्रा, भावि योजना, उद्यम प्रयास र उद्यम योजनाको बारेमा आफ्नो प्रस्तुति राखेका थिए ।

    तिनै प्रस्तुतिका आधार तथा उपप्रमुख ग्रामीण दायित्व परियोजना सुरु भएपछि महिला उद्यमीमा आएको परिवर्तन तथा उद्यमको अवस्थाका आधारमा गठन गरिएको विज्ञ समूहको मूल्याङ्कनका आधारमा सर्वोकृष्ट घोषणा गरिएको दायित्व परियोजना लुम्बिनी प्रदेश संयोजक कमल थापाले बताउनुभयो । नगरपालिकाले अब्बल १० महिला उद्यमीलार्ई समेत रु २० हजारका दरले सम्मान गरिएको थियो ।

  • २४ चैत्र २०७८, बिहीबार ११:२६ प्रकाशित

  • Nabintech
  • १. साग की स्वर्ण पदक विजेता बाँकेकी सञ्जु चौधरी मृत अवस्थामा फेला
  • २. नेपालगन्ज उपमहानगरका जनप्रतिनिधिहरुलाई सपथ ग्रहणमा ‘अपमान’
  • ३. जो गठबन्धनसंग एक्लै भिडे
  • ४. उम्मेद्बार पन्तलाइ थप उपचारको लागि काठमाडौ लगियो
  • ५. पालिका अध्यक्ष पदका उम्मेदवार त्रिपाठीको ब्रान्मा काठको धुलो मिसाइएको भिडियो सार्वजनिक
  • ६. बाघको आक्रमणमा परि बर्दियामा महिलाको ज्यान गयो
  • ७. बढैयातालको उपाध्यक्ष र ७ वडाध्यक्ष जितेको एमाले अध्यक्षमा किन पराजित भयो ?