प्रधानमन्त्री पत्नी डा. आरजु राणा बर्दिया १ बाट निर्वाचनमा लड्ने तयारी – Dastabej

प्रधानमन्त्री पत्नी डा. आरजु राणा बर्दिया १ बाट निर्वाचनमा लड्ने तयारी


  • दस्तावेज

  • नेपालगन्ज । प्रधानमन्त्री तथा नेपाली कांग्रेस सभापति शेरबहादुर देउवाका पत्नी डा. आरजु देउवा राणा आउने संघीय निर्वाचनमा बर्दियाको क्षेत्र नम्बर १ बाट चुनाव लड्ने तयारीमा जुटेकी छन् ।

    उनी निकट स्रोतका अनुसार कैलालीबाट निर्वाचन लड्ने तयारीमा जुटेकी उनी कैलालीमा स्थानीय तहको निर्वाचन परिणामपछि बर्दिया रोज्न पुगेकी हुन । कैलालीमा टिकापुर घटनाका योजनाकार भनिएका सांसद रेशम चौधरीको नागरिक उन्मुक्ति पार्टी १ नम्बरमा जम्न सफल भएको छ । थारुहरुको मत सांसद रेशमको पार्टीतिर बढी आकर्षित भएपछि डा. राणा मुड चेन्ज गरी बर्दियालाई निर्वाचन क्षेत्र बनाउने तयारीमा जुटेको स्रोतको भनाई छ ।

    त्यसो त डा. राणाको माईती घर बर्दिया मधुवन नगरपालिका ढोढरीमा पर्छ । उनकी आमा प्रतिभा राणा यसअघि राष्ट्यि प्रजातन्त्रबाट बर्दियाबाट पटकपटक निर्वाचन लडे पनि पराजित भएकी थिईन ।

    डा. राणा गएको संविधानसभा निर्वाचनमा कैलालीबाटै निर्वाचन लडे पनि पराजित भएकी थिईन । स्रोतले भन्छ, कैलालीमा नागरिक उन्मुक्ति पार्टी उदाएको देखिएपछि डा. राणाको पक्षमा जनमत आउने सम्भावना निकै कम छ । त्यसैले उहाँ रिक्स नलिई बर्दियाबाट चुनाव लड्ने मुड बनाउनु भएको हो ।

    कैलालीबाट कारागारमा रहेका सांसद रेशमकी श्रीमति रन्जिता थारु श्रेष्ठ निर्वाचन लड्ने तयारीमा जुटेकी छन् । उनी कैलालीमै रहेर सक्रियरुपमा नागरिक उन्मुक्ति पार्टीको प्रचार प्रसारमा जुटेकी छन् । थारुहरुको घरघरमा पुुगेर थारु भाषामै पार्टीलाई अगाडि बढाउन भेला तथा छलफल गरिरहेकी छन् । बर्दिया क्षेत्र न. १ बाट हाल कांंग्रेसका सांसद सन्जय गौतम छन् ।

  • ३० जेष्ठ २०७९, सोमबार १७:५५ प्रकाशित

  • Nabintech
  • १. कोहलपुर प्रहरी हिरासतमा रहेकी महिलामाथि ‘असईले गरे बलात्कार’
  • २. बाँकेबाट यातायात मन्त्री भएका राई चढ्ने गाडी ट्राफिक कारबाहीमा
  • ३. कहाँ पुग्यो रुपैडिहा—नेपालगन्ज—कोहलपुरसम्मको रेल ?
  • ४. ढुक्कले मदिरा पीउन भारतीय नागरिक वारी
  • ५. बलात्कारका आरोपित खाँ बाँसगढी प्रहरी हिरासतबाटै फरार
  • ६. मीस युनिभर्स नेपालको क्वाटर फाईनलमा बर्दियाकी मोनिका
  • ७. राजापुर नगरपालिकाका निबर्तमान मेयर एमालेमा प्रबेश