बालबालिका र महिलालाई सूचना, सञ्चार प्रविधिबारे सचेतना – Dastabej

बालबालिका र महिलालाई सूचना, सञ्चार प्रविधिबारे सचेतना


  • दस्तावेज

  • भक्तपुर, ९ असार सूचना, सञ्चार र प्रविधिलाई शिक्षा तथा सीपसँग जोडेर लैजान अभिप्रेरित गर्न सञ्चालन गरिएको तीन दिने ‘महिला तथा बालबालिकामा सूचना, सञ्चार र प्रविधिसम्बन्धी सचेतना कार्यक्रम’ सम्पन्न भएको छ । नेपाल दूरसञ्चार प्राधिकरणको सहयोग एवं इलेक्ट्रो एमएस. इन्टरनेशनल नेपाल प्रालि भक्तपुरको आयोजनामा यहाँका ५५० विद्यार्थी तथा १२५ जना महिलालाई सूचना, सञ्चार र प्रविधिबारे जानकारी दिइएको थियो ।

    समापन कार्यक्रममा सांसद महेश बस्नेतले अहिलेको २१औँ शताब्दी सूचना र प्रविधिको युग भएको चर्चा गर्नुभयो । सूचना, सञ्चार र प्रविधिको प्रयोगले विश्वले धेरै प्रगति गरिरहेको चर्चा गर्दै उहाँले यो युगमा सबैभन्दा ठूलो सम्पत्ति सूचना, प्रविधिको ज्ञान नै भएको बताउनुभयो ।

    कार्यक्रममा समाजसेवी राधिका शाक्यले महिलाको विकास, उन्नति र सीप विकासमा सूचना र प्रविधिको प्रयोग हुनुपर्ने बताउनुभयो । उहाँले महिला हिंसा रोक्न प्रविधिको प्रयोगबाट अभियान चलाउन सुझाव दिनुभयो । कार्यक्रममा युवाराज घिमिरेले सूचना, सञ्चार र प्रविधिको प्रयोगकाबारेमा प्रशिक्षण दिनुभएको थियो ।

    सूर्यविनायक नगरपालिका–८ सिपाडोलस्थित गणेश माध्यमिक विद्यालयका कक्षा ७, ८, ९ र १० मा अध्यनरत करिब ३०० छात्रछात्रा र चाँगुनारायण नगरपालिका दुवाकोटस्थित चाँगुनारायण माध्यमिक विद्यालयका कक्षा ८, ९ र १० मा अध्ययनरत २५० छात्रछात्रालाई सूचना, सञ्चार र प्रविधिको सकारात्मक प्रयोगबारे जानकारी गराइएको थियो । विद्यार्थीलाई प्रशिक्षक युवराज घिमिरे, अनिता पाण्डे र पत्रकार रमेश गिरीले वर्तमान् समयमा सूचना, सञ्चार र प्रविधिको प्रयोग कसरी गर्ने र यसलाई शिक्षा एवं ज्ञानसँग जोडेर कसरी लैजान सकिन्छ, यसको दुरुपयोगले कस्ता घट्ना निम्त्याउछ भन्नेबारेमा जानकारी गराउनु भएको थियो ।—

  • ९ असार २०७९, बिहीबार १५:१५ प्रकाशित

  • Nabintech
  • १. बलात्कार आरोपमा कोहलपुर १० का निवर्तमान वडाध्यक्ष पक्राउ, ५ दिन थुनामा राख्न म्याद थप
  • २. नेपालगन्ज कारागारबाट कुन मुद्दाका को को कैदी रिहा भए (सूची)
  • ३. राप्ति नदिमा मलामी गएका दुई जना डुबेर बेपत्ता
  • ४. नेपालगन्जको सभ्य पाइला सुधारकेन्द्रमा एक जनाको मृत्यु
  • ५. सुधार केन्द्रमा मृत्यु भएका हिकम्त थापाको शरीरभरी निलडाम
  • ६. रोल्पा कारागारमा मृत्यु भएका नेपालगन्जका हरिजनका नाममा छुटेका शाह भारतीय जेलमा
  • ७. राप्ती नदिमा दुई जनाको शव फेला