नेपालगन्ज । बर्दिया बाँसगढी नगरपालिका वडा नं ८ का वडा अध्यक्ष तुल प्रसाद गौतम विरुद्ध ईलाका प्रहरी कार्यलय बाँसगढीमा जबर्जस्ति करणी मुद्दा दर्ता भएको छ ।
उनले स्थानीय एक महिलालाई राती साढे ९ बजे बलात्कारको प्रयास गरेको आरोप छ। जग्गा बिक्रीका लागि छलफलका लागि महिलाको घरमा पुगेका वडा अध्यक्षले सुरुमा मदिरा पान गरेको जाहेरीमा उल्लेख छ ।
घरका परिवार सुत्न गएका बेला वडा अध्यक्षले महिलालाई समातेर बलात्कार गर्न खोजे पछि हल्ला गर्दा घरका सदस्य हरु जानकारी पाएका थिए । प्रहरीका अनुसार जाहेरी दर्ता पछि महिलाको स्वास्थ्य परिक्षण गर्न बर्दिया जिल्ला अस्पताल पठाईएको छ ।
