फाल्गुन ३, २०७९ नेपालगन्ज — विद्यार्थीहरुमा विज्ञान र प्रविधिको सम्भावना खोज्न नेपालगन्जमा भएको दोस्रो हिमालयन साइन्स फेस्टिबलमा कोहलपुरको त्रिभुवन नमुना माध्यमिक विद्यालय प्रथम भएको छ भने नेपालगन्जको धम्बोझी माध्यमिक विद्यालय दोस्रो र कोहलपुरको बिभीएम सेकेन्डरी स्कुलका विद्यार्थीले बनाएको प्रोजेक्ट तेस्रो भयो ।
फेस्टिबलमा पहिलो, दोस्रो र तेस्रो हुने विद्यालयले क्रमशस् ३० हजार, २५ हजार र २० हजार रुपैयाँ प्राप्त गरे । फेस्टिबलमा गोरखा युनाइटेड कोहलपुर, खजुराको ज्ञानोदय नमुना माध्यमिक विद्यालय, नेपालगन्ज टेक्निकल कलेज र नेपालगन्जको युनाइटेड एजुकेसनल एकेडेमीलाई सान्त्वना पुरस्कार प्रदान गरिएको थियो ।
