फाल्गुन १४, २०७९ नेपालगन्ज — इलाका प्रहरी कार्यालय कोहलपुरले ११६ ग्राम ब्राउनसुगरसहित बाँके र बर्दियाका तीन युवालाई पक्राउ गरेको छ।
पक्राउ पर्नेमा बर्दिया बढैयाताल गाउँपालिका–७ का विशालसिंह ठकुरी र विक्रमसिंह ठकुरी तथा कोहलपुर नगरपालिका– ११ का निर्जन ढकाल रहेका छन् । विशालसिंह ठकुरीले लगाएको ज्याकेट र मलद्वाररमा लुकाइ राखेको अवस्थामा पक्राउ गरिएको प्रहरीले जनाएको छ ।
प्रहरीले उनीहरुको साथबाट भे १३ प २७३ नम्बरको अपाची मोटरसाइकल, नौ हजार आठ सय रुपैयाँसमेत बरामद गरेको छ । उनीहरुले बर्दियाको सीमामा पर्ने भारतको बलैगाउँबाट ब्राउनसुगर ल्याएको प्रहरीले बताएको छ । प्रहरीका अनुसार उनीहरु लागूऔषध ओसारपसारमा संलग्न रहेको प्रारम्भिक अनुसन्धानमा खुलेको छ ।
