बर्दिया, कार्तिक १७ गते / जिल्ला प्रहरी कार्यालय बर्दियाले प्रहरीले आतिसबाज जन्य पटाकाहरु नियन्त्रणमा लिएर नष्ट गरेको छ ।

प्रहरीको टोलिले जिल्लाका विभिन्न मातहतमा रहेका प्रहरीको गस्ती टोलीले जिल्लाका विभिन्न स्थानहरूबाट पटाका नियन्त्रणमा लिएको जिल्ला प्रहरी कार्यालय बर्दियाका सुचना अधिकारी प्रहरी नायब उपरीक्षक ऋषिराम घर्ती मगरले जानकारी दिए।

Advertisement

जिल्लाका विभिन्न स्थानमा चेकजाक का क्रममा प्रहरीले २ लाख ८५ हजार ७ सय ७६ रुपैयाँ मूल्य बराबरको पटाकाहरू नियन्त्रणमा लिएको समेत मगरले बताए। प्रहरीले बरामद गरेकाहरुमा रकेट, सुतलीबम, क्यानबम लसुन बम लगायतका पटाकाजन्य आतिसबाजी जस्ता सामाग्रीहरु रहेका थिए। बरामद गरेका सबै सामग्रीहरूलाई प्रहरीले खाल्टोमा गाडि पानी हालेर नष्ट पारेको थियो ।