पाल्पा — पाल्पामा बाराको फेटा गाउँपालिका–२, घर भई हाल कास्कीको पोखरा महानगरपालिका–४, मा बस्दै आएका २५ वर्षीय सोहन हुसेन र स्याङ्जाको पुतलीबजार नगरपालिका–५, घर भई हाल पोखरा महानगरपालिका–२, बस्दै आएका ३१ वर्षीय किशोर विश्वकर्मा लागूऔषधसहित पक्राउ परेका छ्न ।

सिद्धार्थ राजमार्ग अन्तर्गत बर्तुङ्ग–राम्दी सडक खण्ड अन्तरगत बगनासकाली गाउँपालिका–५, राम्दीमा चेकजाँच गर्ने क्रममा सुनौलीबाट पोखरा हुँदै बेनीतर्फ जाँदै गरेको यात्रुबाहक बसमा लागूऔषधसहित उनीहरुलाई नियन्त्रणमा लिइएको जिल्ला प्रहरी कार्यालय पाल्पाले जनाएको छ ।

जाँचको क्रममा सोहन हुसेनले हातमा लिएको जेब्रा झोलाभित्र प्लास्टिकमा पोको पारी राखेको अवस्थामा लागूऔषध डाईजेपाम १२१ एम्पुल, फेनारगन १२४ एम्पुल, आईपीपीएल १२१ एम्पुल फेला परेको प्रहरीले जनाएको छ ।