इनरुवा। सुनसरीको सिमावर्ती हरिनगर गाउँपालिका– ६ महरम चौकका गोली प्रहारी गरी १८ वर्षीया अर्सी खातुनको हत्या गरिएको छ ।

खातुनलाई उनकै भिनाजु भारत पत्रहा पञ्चायत–१६ घुर्ना बस्ने सौकात मियाँको छोरा २९ वर्षीय अजाद मियाँ जटले गोली प्रहार गरी हत्या गरेको मृतकको बुवा ४६ वर्षीय गफार मियाँले जानकारी दिएका छन् ।
अरसिको घटनास्थलमै मृत्यु भएको छ । गोली प्रहार गर्ने तत्काल फरार रहेको छ ।

घटनाको खबर प्राप्त हुना साथ तत्काल प्रचौ घुस्कीहाटबाट प्रहरी नायब निरीक्षक सुरेश यादवको कमाण्डमा प्रहरी टोली खटाएको र थप बुझ्ने कार्य भइरहेको खतिवडाले जानकारी दिनुभयो । गोली हान्ने व्यक्तिको खोजी भइरहेको छ ।

घटनास्थलबाट सानो हतियारमा लाग्ने १ थान नपड्केको गोली फेला परेको छ भने पोष्टमार्टमका लागि शव बिपी कोइराला स्वास्थ्य विज्ञान प्रतिष्ठान धरान पठाइएको छ । मृतकको टाउकोको बाँया साइडमा चोट देखिएको जनाएको छ ।