सोलुखुम्बु । लुक्लाबाट बिहानै विदेशी पर्यटक लिन गएको अल्टिच्युड एयरको अल्फा माईक सेरा कलसाइन भएको हेलिकप्टर सगरमाथा आधार शिविर नजिकै रहेको लोबेचेमा दुर्घटना भएको छ ।

लोबुचो हेलिप्याडमा अवतरण गर्ने क्रममा हिउँमा चिप्लिएर दुर्घटना भएको हो । पाइलट विवेक खड्का भने सकुशल रहेको प्रहरीले जनाएको छ ।
बिहान ८ः१५ मा हेलिकप्टर दुर्घटना भएको हो । पाइलट खड्कालाई कैलास एयरको हेलिमार्फत लुक्ला ल्याइएको छ। हेलिकप्टरमा आगजनी नभएको र पल्टिएको अवस्थामा रहेको प्रहरीले जनाएको छ । खुम्बुमा बाक्लो हिउँ परेका कारण विहानैदेखि हेलिकप्टरले पर्यटकको उद्धार गर्दै आएका थिए ।