काठमाडौँ —नागरिकता दिन स्थानीय निकाय र प्रशासनले ईन्कार गरेपछि बर्दियाको बढैयाताल गाउँपालिका ४ दक्षिण भकारी गाउँका बुबा र छोरीले ज्यान गुमाउनु परेको घटना बुझन गृह मन्त्रालयले गठन गरेको समिति बर्दिया आएको छ ।

महिलामाथि विभेद गरेपछि बाबु–छोरीले ज्यान दिएको घटनाको छानबिन गर्न प्रधानमन्त्री सुशिला कार्कीको निर्देशनपछि टोलि बर्दिया आएको हो ।

नागरिकतामाथिको विभेद सहन नसकेर २२ कात्तिकमा अञ्जुले घरमै आत्महत्या गरिन् भने सँगै न्यायको लडाइँमा संघर्ष गर्दै आएका उनका बाबु ६१ वर्षीय कान्छा थारूले पनि चार दिनपछि छोरीकै बाटो पछ्याएका थिए ।

आइतबार गठित समिति स्थलगत निरीक्षणका लागि मंगलबार बर्दिया आएको हो न

गृह प्रवक्ता आनन्द काफ्लेले घटनाको छानबिन गर्न गठित समिति बर्दिया प्रस्थान गरेको जानकारी दिए । गृहका सहसचिव तथा नीति, योजना अनुगमन तथा मूल्यांकन महाशाखा प्रमुख सुरेश पन्थीको संयोजकत्वमा मन्त्रालयकै उपसचिव कुलशेखर अर्याल र बर्दियाका सहायक सीडीओ अशोककुमार भण्डारी सदस्य रहेको छानबिन समिति गठन भएको छ । समितिलाई घटनाको निष्पक्ष र सत्यतथ्य जाँचबुझ गरी पाँच दिनभित्र प्रतिवेदन पेस गर्न कार्यावधि र कार्यादेश तोकिएको छ ।