नेपालगन्ज— सामुदायिक सेवा केन्द्र तथा सामुदायिक प्रहरी सेवा केन्द्र नेपालगन्जले जिल्ला कारागार बाँकेमा रहेका कैदीबन्दीहरुलाई निःशुल्क कानुनी परामर्श, तनाव व्यवस्थापन, सकारात्मक चिन्तन, उद्यमशिलता, उत्प्रेरणा तथा मनोसामाजिक परामर्श दिन सुरु गरेको छ । सामुदायिक सेवा केन्द्रका अनुसार अब कैदीबन्दीलाई नियमित रुपमा मनोसामाजिक परामर्श दिइनेछ ।

ुउनीहरुको आवश्यकता, कौशलताका आधारमा सिर्जनात्मक बनाउने हाम्रो अभियान हो । कार्यक्रममा बाँकेका प्रमुख जिल्ला अधिकारी श्रवणकुमार पोखरेलले आफू भित्रको आवेगलाई नियन्त्रण गर्न सकेमा जस्तोसुकै तनावलाई व्यवस्थापन गर्न सकिने बताए । उनले तनावलाई व्यवस्थापन गर्न सकेमात्र सिर्जनात्मक बन्न उत्प्रेरणा मिल्ने धारणा राखे ।

जिल्ला कारागार बाँकेमा क्षमताभन्दा तेब्बर बढी कैदीबन्दी राखिएको छ । कार्यालयका अनुसार ३ सय ५० जनाको क्षमता रहेको कारागारमा बिहीबारसम्म कैदी बन्दीको संख्या ९ सय ३६ पुगेको छ ।