नेपालगन्ज, असार २९ गते । नेपालगन्ज उपमहानगरपालिका– ११ निवासी ३८ वर्षीय इरसाद राईमाथि शुक्रबार राती करिव १०ः३० बजेतिर खुकुरी प्रहार हत्या गरिएको छ।

खुकुरी प्रहारबाट गम्भीर घाइते राईलाई रातीनै भेरी अस्पतालमा उपचारका लागि लगिएको थियो ।
जिल्ला प्रहरी कार्यालय बाँकेका प्रवक्ता डिएसपी नारायण डाँगीका अनुसार मोटरसाइकलमा आएका दुईजनाले खुकुरी प्रहार गरी राई को हत्या गरेका हुन ।

हत्या गर्ने समूहको पहिचान नभए पनि समूहले प्रयोग गरेको से ७ प ४२५३ नम्बरको मोटरसाइकल फेला परेकाले छिट्टै पहिचान हुने प्रहरीको आशा छ ।

प्रहरीको प्रारम्भिक अनुसन्धानबाट लागूऔषध दुर्व्यशनीकर्ताबिच आपसमा विवाद भएको र विवाद मिलाउन गएका राईमाथिनै खुकुरी प्रहार हुँदा उनको मृत्यु भएको छ ।

हत्यामा संलग्नहरुको खोजी र घटनाको अनुसन्धान भइरहेको जिल्ला प्रहरी कार्यालय बाँकेले जनाएको छ ।

यसैबिच मृतकका आफन्तहरुले हत्याको विरोध गर्दै हत्यारालाई पक्राउ गरेर तत्काल सार्वजनिक गर्ने माग गर्दै शनिबार बिहानदेखि टांगा स्टेन्ड नजिक सडक जाम गरेर नारावाजी गरिरहेका छन् ।