नेपालगन्ज, २६ मंसिर २०८१
Advertisement
नेपालगन्जमा संञ्चालन भैरहेको भर्मीकम्पोष्टमा आधारित प्राङ्गारिक तथा जैबिक मल उत्पादन प्राशिक्षक प्रशिक्षण तालिमका प्राशिक्षकहरुलाई फिल्डमा अनुगमन गराएर गड्यौला मल र झोल मल बनाउने प्रयोगात्मक अभ्यास गराइएको छ । ८ दिनसम्म चल्ने तालिमको तेस्रो दिन मंगलबार नेपालगन्ज १ मा रहेको गड्यौला मल उत्पादन उद्योगमा फिल्ड अनुगमन गराई गड्यौला मल र झोल मल बाउने तारिकाको अभ्यास गराइएको समाजिक बिकास शाखा प्रमुख कृष्ण जोशीले बताए । तालिममा सहभागी प्रशिक्षकहरुलाई उद्योगका संञ्चालक बिर बहादुर हमालले गड्यौला मल बनाउने तारिकाको अभ्यास गराएका थिए । साथै मल बनाउदा आवश्यक बस्तु तथा अपनाउनु पर्ने तरिकाबारे उनले जनाकारी गराएका थिए । पछिल्लो समय बढ्दो गड्यौला मलको माग तथा बजारीकरणको अवस्थाबारे समेत संञ्चालक हमालले जानकारी गराएका थिए ।
नेपालगन्ज उपमहानगरपालिकाको आयोजनामा भैरहेको तालिमका प्रशिक्षण बरिष्ठ कृषि प्रशिक्षक केशवराज काप्mलेले सहभागी प्रशिक्षकहरुलाई झोल मल बनाउने तरिकाको अभ्यास गराएका थिए । साथै अन्नबाली उत्पादनमा झोल मलको प्रभावकारीता बारे समेत उनले जानकारी दिएका थिए । पछिल्लो समय किसानले खेतबारीमा अत्याधिकमात्रमा रसायनिक बिषादी र मल प्रयोग गरी उत्पादन भएको अन्नबाट मानव स्वास्थ्यमा नकारात्मक असार परिरहेको छ । अहिले अर्गनिक उत्पादन गर्नु पर्ने माग समेत बढेको छ । उक्त कुरालाई दृष्टिगत गरी अर्गनिक उत्पादनमा कम्पोष्ट मलको उत्पादन तथा प्रयोगबाट टेवा पु¥र्याउने उद्देश्यले तालिमको आयोजना गरिको उपमहानगरपालिकाले जनाएको छ ।
तालिममा नेपालगन्ज उपहानगरपालिकाका प्रत्येक वडाबाट एक एक जना दक्ष कृषि प्रबिधिक प्रशिक्षक तयार गर्ने उद्देश्यले तालिम आयोजना गरिएको समाजिक बिकास शाखा प्रमुख जोशीले बताए । उनले भने, “अहिले तरकारी तथा अन्नबालीमा अत्याधिक मात्रमा रसायनिक बिषादी तथा मल प्रयोग भैरहेको छ । जसको प्रभाव मानव स्वास्थ्यमा एकदमै नकारात्मक छ । यो तालिमले केही हदसम्म रसायनिक बिषादीको प्रयोगलाई न्युनिकरण गरी घर घरबाट निस्कनले सड्नेगल्ने फोहर तथा गाईबस्तुको गोबर, मुत्रबाट प्राङ्गारिक तथा जैबिक मल उत्पादन गरी अर्गनिक तरकारी तथा अन्न उत्पादनमा टेवा पु¥याउने छ ।” तालिममा सहभागीलाई प्राङ्गारिक तथा जैबिक मल तथा बिषादी बनाउनका लागि फिल्ड भिजित गराई प्रयोगात्मक अभ्यासबाट सिकेका ज्ञान प्राबिधिकहरु आ आप्mनो वडाका स्थानीयलाई पनि सिकाउने बताइएको छ । जसबाट कौसी, गमला र पुष्पा खेतीलाई समेत टेवा पु¥याउने शाखा प्रमुख जोशीले बताए । उपमहानगरपालिकाबाट कृषि सम्बन्धि कुनै कार्यक्रम संञ्चालन गर्दा पनि ती प्रबिधिक प्रशिक्षकहरुलाई प्रयोग गर्न सकिने उद्देश्य समेत राखिएको छ । समाजिक बिकास शाखाका अधिकृत शान्ती केसी, कृषि शाखाका कृषि प्रबिधिक लगायत्को सहभागिता रहेको थियो ।
